ڕاپۆرته‌كان باس له‌وه ده‌كه‌ن كه ڕۆژی شەممە ٢٥ی گەلاوێژ، کۆڵبەرێکی خەڵکی گوندی “شەقڵاوا”ی ناوچەی مەرگەوەڕ لە سنووری ورمێ بە ناوی “سەڵمان مەحموودیان” بە تەقەی هێزە نیزامییەکانی ڕژیم بریندار و سێ کۆڵبەری دیکە بە ناوی “پەرویز محەممەدی”، “سامی محەممەدی” و “جەعفەر محەممەدی” خەڵکی گوندی “باوان”، لە لایەن هێزە نیزامییەکانی ڕژیمه‌وه دەستبەسەر کران.
شایانی باسه، “سەلمان مەحموودیان” لەو ڕووداوە بریندار و بۆ چارەسەریی پزیشکی ڕەوانەی ناوەندی دەرمانی لە ورمێ کراوە و ئێستا لەژێر چاوەدێریی پزیشکیدایە. جێگه‌ی ئاماژه‌یه، “پەرویز محەممەدی”، “سامی محەممەدی” و “جەعفەر محەممەدی”ش هه‌تا كاتی داڕشتنی ئەم هەواڵە، لە گرتووخانه‌ی هێزەكانی ڕژیمدا ڕاگیراون.