ڕاپۆرته‌كان له شاری بۆكان باس له‌وه ده‌كه‌ن كه هێزەکانی ئیدارەی ئیتلاعاتی ئه‌مشاره له‌درێژه‌ی ڕه‌وتی ده‌ستبه‌سه‌ر كردنی هاووڵاتییان، دوو هاووڵاتیی ئەو شارەیان دەستبەسەر و بۆ شوێنێکی نادیاریان گواستووه‌ته‌وه.
بەپێی ئه‌م ڕاپۆرته، له ماوه‌ی یه‌ك دوو ڕۆژی ڕابردوودا هێزەکانی ئیدارەی ئیتلاعاتی شاری بۆکان دوو هاووڵاتیی خەڵکی ئەو شارەیان بە ناوەکانی “ئەمیر ئەرمەنی بڵاغیان” خەڵکی گوندی “ئاڵەشین” و “فایق شەریعەت پەنا” دەستبەسەر و بۆ شوێنێکی نادیاریان گواستووەتەوە. شایانی باسه، هێزە ئەمنییەکان دوای دەستبەسەر کردنی ئه‌م دوو كه‌سه، ماڵەکانیانان پشکنیوە و دەستیان بەسەر لەبتاب، مۆبایل و کتێبەکانیاندا گرتووە. پێویسته بوترێ كه سەرەڕای بەدواداچوونی بەردەوامی بنەماڵەکانیان بۆ دڵنیا بوونه‌وه له‌دۆخی ئازیزه‌كانیان، هه‌تا كاتی داڕشتنی ئه‌م هه‌واڵه هیچ زانیارییه‌ك له چارەنووسیان له‌به‌ر ده‌ستدا نییه.