به پێی ڕاپۆرته‌كان، هاووڵاتییەکی خەڵکی شاری شنۆ بە ناوی “لوقمان سەیدەپوور، نزیکەی سێ مانگ له‌مه‌وبه‌ر لەلایەن هێزەکانی ئیدارەی ئیتلاعاتی شنۆ دەستبەسەر و بۆ گرتووخانه‌ی ئیتلاعاتی ورمێ گوازراوەتەوە و چاره‌نووسی نادیاره.
بە وتەی سەرچاوەیەکی ئاگادار، ناوبراو، له دوای ده‌ستبه‌سه‌ركرانیه‌وه هیچ پەیوەندییەکی لەگەڵ بنەماڵەکه‌ی نەبووە و هەوڵەکانی بنەماڵەکەشی لەو پەیوەندییەدا بێ ئاکام ماوەتەوە. شایانی باسه، لوقمان سەیدەپوور پێشتر بۆ ماوەی چەند ساڵ ئەندامی یه‌كێك له حیزبه ئۆپۆزیسیۆنه‌كانی ڕژیم بووە و دوای وەرگرتنی ئەماننامە لە ئیدارەی ئیتلاعات، سەرەتای بەهاری ئەمساڵ گەڕاوەتەوە بۆ شاری شنۆ و دەستبەسەر کراوە.