له ماوه‌ی ڕۆژانی ڕابردوودا، هاووڵاتیه‌كی خەڵکی کرماشان له لایەن مه‌ئموورانی شاره‌داریی ئەمشارەوە لەکاتی ڕووخانی خانووەکەیدا دراوه‌ته بەر لێدان و توندوتیژیی فیزیكی و بەو هۆیەوە گیانی لە دەست داوە.
به پێی ڕاپۆرته‌كان، مه‌ئموورانی شاره‌داریی ناوچەی ٣ی کرماشان بە مەبەستی ڕووخاندنی خانوویەک ڕۆیشتوونه‌ته گەڕەکەی فەدەکی ئەمشارە و له كاتی ڕووخاندنی خانووه‌كه‌دا لەگەل بەرگری و ڕووبەڕووبوونەوەی ئەندامانی ئەو بنەماڵەیە بەرەو ڕوو بوونه‌ته‌وه و له ئه‌نجامی ئه‌م تێكهه‌ڵچوونه‌دا هاووڵاتیه‌كی ته‌مه‌ن ٥٨ ساڵه به‌هۆی لێدان و توندوتیژیی مه‌ئموورانی شاره‌داری به سه‌ختی بریندار بووه و پاش كاتژمێرێك له یه‌كێك له ناوه‌نده ده‌رمانیه‌كانی شاری كرماشان گیانی له‌ده‌ست داوه.