٤٠٠ ڕۆژنامەنووس و میدیاكاری كوردستان یاداشتێکی هاوبەشیان لەسەر پاکتاوکردنی گەلی کورد لەلایەن دەوڵەتی تورکیەوە ئاراستەی ناتۆ و یەکێتیی ئەوروپا دەکەن و داوا دەکەن، هەڵوێوستیان دژی هێرشەکانی تورکیە هەبێت.
بەپێی ڕاپۆرتەکان، لە ڕۆژی ١٧ی نیسانەوە، دەوڵەتی توركیە هێرشێکی بەرفراوانی لە ئاسمان و زەوییهوه بۆ سەر باشوری کوردستان دەستپێکردووە و لەوكاتەوە تائێستا شهڕێكی قورس لە ناوچەكانی زاپ و ئاڤاشین و مەتینا بەڕێوە دەچێت. لە دژی ئەو هێرشە ٤٠٠ ڕۆژنامەنووس و کارمەندی بواری میدیایی و ڕاگەیاندن لە ئەوروپا یاداشتێکی هاوبەشیان لە برۆکسل لە دژی داگیرکەرییەکانی دەوڵەتی تورکیە ئامادەکردووە و ڕۆژی سێشەممە لە کۆنگرەیەکی ڕۆژنامەنووسییدا خستیانەڕوو. لەو ڕاگەیەندراوەدا هاتووە: ئێمە وەک ڕۆژنامەوان و میدیاکاران پاکتاوکردنی گەلی کورد لەلایەن دەوڵەتی تورکیەوە بەتووندی سەرکۆنە دەکەین و داوا لە وڵاتانی ئەندام لە ناتۆ و یەکێتیی ئەوروپا دەکەن، کە پاڵپشتی سەربازیی، سیاسیی و ئابووریی بۆ دەوڵەتی تورکیە ڕابگرن و داوایان له دۆستان و لایهنگرانی گەلی كورد لە یەکێتی ئەوروپا و جیهان كردووه كه بەرامبەر بەو شەڕە بووەستنەوە.