رۆژی پێنجشەممە 27ی مانگی جۆزەردان، بە هۆی نا ئەمنی شوێنی کار، 11 کرێکار لە شارەکانی تاران، رەشت، زەنجان و ئەردەبیل تووشی رووداو هاتن. لەم رووداوانە دا 6 کرێکار بریندار بوون و 5 کەسیش گیانیان لە دەست دا.
سێ کرێکاری بیناسازی خەڵکی ئەفغانستان لە بینایەکی نیوەکارە لە تاران بە هۆی بەربوونەوە لە قاتی چوارەمەوە بە سەختی بریندار بوون و گەیندراونەتە نەخۆشخانە. لە رووداوێکی دیکە، باوک و کورێک لە کاتی کار لە “قاڵی شووییەک” لە رەشت بە هۆی برق گرتوویی گیانیان لە دەست دا. لە جنوبی تارانیش کرێکارێکی چاڵهەڵکەنی خەڵکی ئەفغانستان، لە کاتی کار بە هۆی بەربوونەوە بۆ ناو چاڵ، بە سەختی بریندار بوو. هەروەها لە زەنجان کرێکارێکی بیناسازی لە کاتی بە سەختی بریندار بووە. لە ئەردەبیلیش بە هۆی ئاگرکەتنەوە لە ئەنبارێکی موادی شیمیایی کرێکارێک و 3 ئاگرکوژێنەوە تووشی سووتان هاتن و گەیندرانە نەخۆشخانە.