ڕۆژی یەکشەممە 12ی گوڵان، ژنێکی دوو گیان بە ناونیشانی “شەیدا عەبدی” خەڵکی گوندی “زێڕان”ی سەر بە ناوچه‌ی کڵاشی جوانڕۆ بە هۆی هەڵەی پزیشکی لە نەخۆشخانەی ئەم شارە گیانی لە دەست دا.
بە پێی ڕاپۆرته‌كان، ناوبراو بە هۆی هەڵەی پزیشکی کادێرێکی دەرمانی نەخۆشخانەی جوانڕۆ تووشی خوێن لە بەرچوونی زۆر دەبێ و گیانی لە دەست ده‌دات. شایانی باسه کە هەڵەی پزیشکی به هۆی کەمبوونی کەلووپەلی پزیشکی به تایبه‌ت له كاتی پاندمی كۆرۆنا هه‌روه‌ها ماندۆیی كادری ده‌رمان لە نەخۆشخانەکانی ئێران، ساڵانە ده‌بێته هۆکاری گیان لە دەستدانی ڕێژەیەکی بەرچاو له هاوڵاتیان.