لە ڕۆژانی ڕابردوودا، دوو ئەندامی بنەماڵەی “ئەکبەر دانشوەرکار” بەندکراوی سیاسی لەسێدارەدراو و ڕاگیراو لە زیندانی قەرچەکی وەرامین، ڕەوانەی شوێنێکی نادیار کراون.
بە وتەی سەرچاوەکانی هەواڵ، ئەو دوو شارومەندە بە ناوەکانی ” ئەکرەم و ئەعزەم دانشوەرکار“، ڕێکەوتی ١٧ی گوڵانی ١٤٠٥ی هەتاوی، لە لایەن هێزە ئەمنیەکانی ڕژیمی کۆماری ئیسلامییەوە ڕەوانەی شوێنێکی نادیار کراون و سەرەڕای بەدواداچوونی بنەماڵەکانیان لە سەر شوێنی ڕاگرتنیان، تا کاتی داڕشتنی ئەم هەواڵە زانیارییەک لە بەردەستدا نییە.