لە ئاکامی تێکەڵچوونی چەکدرای لە ڕۆژئاوای کوردستان، ڕۆژی ڕابردوو دوو سەربازی سوپای تورکیە بە مووشەکی دژە تانک کراونەتە ئامانج و گیانیان لەدەستداوە.
وەزارەتی بەرگری دەوڵەتی تورکیە لە ڕاگەیەندراوێکدا ئاشکرای کرد، دوو سەربازی ئەو وڵاتە کە بە شێوەی گرێبەستی لە سوپای ئەو وڵاتەدا بوون، لە ئاکامی تەقەی هێزەکانی سووریەی دیموکراتیک ناسراو بە هەسەدە گیانیان لەدەستداوە. جێگای ئاماژەیە لە ماوەی چەند ڕۆژی ڕابردوو ٥ سەربازی دیکەی ئەو وڵاتە لە ئاکامی شەڕ و تێکەڵچوونە چەکدارییەکان لە ڕۆژئاوای کوردستان کوژراون.