بەپێی ڕاپۆرتی گەیشتوو، یەکێکی دیکە لە دەستبەسەرکراوانی ناڕەزایەتییەکانی مانگی بەفرانبار، لە لایەن دەزگای قەزایی جەنایەتکاری کۆماری ئیسلامییەوە، حوکمی سێدارەی بەسەردا سەپێندراوە.
ئەو دەستبەسەرکراوە بە ناوی “سپێهر ئەمیرزادە” ڕێکەوتی ٢٣ی بەفرانباری ساڵی ڕابردوو، بە هێرشی هێزە ئەمنیەکان بۆ سەر ماڵەکەی دەستبەسەر و پاش کۆتایی هاتنی ڕەوەندی لێپرسینەوە لە گرتووخانەکانی ئیتلاعات ڕەوانەی زیندانی دەستگردی ئیسفەهان کراوە، لە لایەن دادگا ئینقلابی ئیسفەهانەوە بە تۆمەتی “موحاربە” حوکمی سێدارەی بەسەردا سەپێندراوە و دۆسیەکەی ڕەوانەی دادگای باڵای وڵات کراوە.