لە ڕۆژانی ڕابردوودا هاوکات لەگەڵ بەرزبوونەوەی کتوپڕی گوشاری هێزە ئەمنیەکان بۆ سەر هاووڵاتیان، چەندین کەس لە کرمان دەستبەسەر و شوێنی ڕاگرتنیان دیار نییە.
بەپێی دوایین ڕاپۆرتەکان، لە کرمان زیاتر لە ١٠١ هاووڵاتی مەدەنی لە لایەن هێزەکانی ئیتلاعاتی سپای پاسداران و ئیدارەی ئیتلاعاتەوە بە تۆمەتی “هاوکاری لەگەڵ ناوەندە ئەمنیەکانی وڵاتانی دژبەری کۆماری ئیسلامی“، “کۆکردنەوەی زانیاری سەبارەت بە پێگە هەستیارەکانی کرماری ئیسلامی“، “ناردنی وێنەی هێرشەکانی ئەمریکا و ئیسرائیل بۆ سەر پێگەکانی ڕژیم بۆ میدیاکانی دەرەوەی وڵات” و هەروەها “هەوڵدان بۆ تێکدانی ئەمنیەتی وڵات“، لە لایەن هێزە ئەمنیەکانەوە دەستبەسەر و ڕەوانەی گرتووخانەکانی ناوەندە پەیوەندیدارەکان کراون. شایانی باسە کە تا کاتی داڕشتنی ئەم هەواڵە سەبارەت دۆخی تەندروستی و ڕەوەندی دۆسیەی دەستبەسەرکراوان زانیارییەک بڵاو نەکراوەتەوە و بنەماڵەکانیان لە نیگەرانیدان.