ڕۆژی ڕابردوو، فەرماندەیی ناوەندی هێزەکانی ئەرتەشی ئەمریکا ڕایگەیاند کە درێژە بە گەمارۆدانی ڕژیمی کۆماری ئیسلامی لە ئاوەکانی کەنداوی فارس و دەریای عومان دەدەن.
بەپێی هەواڵی گەیشتوو، سەرۆک کۆماری ئەمریکا ئاماژەی بەوە کردووە کە ڕژیمی کۆماری ئیسلامی بە هۆی گەمارۆکانەوە، ڕۆژانە زیاتر لە ٥٠٠ ملیۆن دۆلار زیانی ماددی پێ دەگات و بەرپرسانی ڕژیم خوازیاری کردنەوەی گەرووی هورموز دەکەن. لە هەمان کاتدا ناوبراو جەختی لە سەر ئەوە کردووەتەوە کە کۆماری ئیسلامی توانای پێدانی مووچەی هێزەکانی نەماوە و ئەمەش بووەتە هۆی ناڕەزایەتییان، هەروەها دۆناڵد ترامپ ئاماژەی بەوە کردووە کە لە ئەگەری کردنەوەی گەرووی هورموزدا، هیچ کات ناگەنە ڕێککەوتنێک لەگەڵ ڕژیمی کۆماری ئیسلامی و ناچار دەبن بەرپرسانی دیکەی ڕژیم لە ناو ببەن.