ئێوارەی ڕۆژی چوارشەممە ٢٦ی مانگی خەزەڵوەر، مێرمنداڵێکی تەمەن ١٥ ساڵ بە ناوی “سرووش ڕەحمانی” خەڵکی گوندی “هانەگەرمەڵە”ی سەر بە شاری “نەوسوود” و دانیشتووی شاری پاوە، به هۆی كوژرانی ئه‌سپه‌كانی له لایه‌ن هێزه‌كانی ڕژیمه‌وه کۆتایی بە ژیانی خۆی هێنا.
بە پێی زانیارییه‌كان، بنەماڵەی “سرووش ڕەحمانی” بە هۆی هەژاری و قەرزدارییەوە خانووەکەیان لە گرەوی بانکدا بووە و باوکی سرووش تووشی شێرپەنجەیە و “سرووش” بۆ ئەوەی هاوکاری بنەماڵەکەی بکات چەند سەر ئەسپی بە قەرز هێناوە و لە سنووری نەوسوود سەرقاڵی کۆڵبەری بووە کە چەند ڕۆژ پێش هێزەکانی سەرسنوور ئەسپەکانیان داوەتە بەر دەسڕێژی گولە و کوشتویانە. سرووش پاش ئەو جنایتەی هێزە سەرکوتگەرەکانی کۆماری ئیسلامی کۆتایی بە ژیانی خۆی هێناوە.