بەپێی هەواڵی بڵاوکراوە لە ماڵپەڕی کۆڵبەر نیوز، تیمەکانی مانگی سووری تورکیە بەمەبەستی دۆزینەوەی تەرمی دوو کۆڵبەرەکەی دیکەی شاری ورمێ بە ناوەکانی “ئەسعەد سیدانی فەرد” و “بهلوول سیدانی فەرد” چوونەتە ناوچە شاخاویەکان و هەتا درەنگانی ئێوارە لە گەڕان و پشکنینەکانیان بەردەوام بوون.
بەپێی ئەو هەواڵە، ئەم گەڕان و پشکنینە لە حاڵێکدایه کە لە ڕۆژی شەممە ١٧ی مانگی گوڵان، تەرمی کۆڵبەرێکی خەڵکی گوندی “باوان“ی ناوچەی مەرگەوەڕی ورمێ بە ناوی “بارزان میهەنی” ١٨ ساڵ تەمەن و کوڕی شەوکەت، لە دوای ١١٤ ڕۆژ لە دیار نەمانیان لە گوندی “گوڵشەم” لە خاکی تورکیە لە ژێر بەفر و سەهۆڵەدا دۆزرایەوە.