کۆمەڵە_رێكخراوی كوردستانی حیزبی كۆمونیستی ئیران
راگه‌یاندنه‌كان

نامەیکراوە بۆ: هاوڕێیانی ڕەوتی سوسیالیستی کۆمەڵە!

وێڕای ڕێز و سڵاوێکی گەرم،

هەر وەک ئاگادارن کۆمیتەی ناوەندی هەڵبژێردراوی کۆنگرەی ١٧ی کۆمەڵە ڕێکەوتی ٢٨ی پووشپەڕی ساڵی ١٤٠٠ی هەتاوی لە نۆهەمین پلنۆمی خۆیدا و لە ڕێگای ڕاگەیاندنێکەوە، بەش بەحاڵی خۆی دوور خرانەوەی ئێوەی لە حیزبی کۆمۆنیستی ئێران و کۆمەڵە لە ساڵی ١٣٨٨ ی هه‌تاویدا بە ناڕەوا زانی. ئەم هەڵسەنگاندن و لێکدانەوەیە لە کۆنگرەی ١٨ی کۆمەڵە کە مانگی بەفرانباری١٤٠٠ی هەتاوی بەڕێوەچوو، سەرلەنوێ لە ڕاگەیاندنێکدا پەسەند کرایه‌وە و کۆنگرە کۆمیتەی ناوەندی هەڵبژێردراوی خۆی ڕاسپارد کە لەگەڵ ئێوەدا بە ئاراستەی پێکهێنانی جەمسەرێکی بەهێزی چەپ لە کوردستان و تەنانەت تا ئەو جێگایەی کە ئیمکانی هەیە به‌ مه‌به‌ستی یەکگرتنەوەی سەرلەنوێتان لەگەڵ کۆمەڵە بەشێوەیەکی جیددی و شێلگیرانە دیالۆگ و گفتوگۆ بکات.

لەماوەی چەند ساڵی ڕابردوودا ئەو دیالۆگ و پێوەندییە بەردەوام و نزیکانەی کە لەگەڵ ئێوە هاوڕێیان، بەتایبەت ئەو باس و دیالۆگانەی کە لە پڕۆسەی هەوڵە هاوبەشەکانمان بە مەبەستی پێکهێنانی بەرەیەکی چەپ لە کوردستان، لەئارادا بوو، ئەوەی بۆ ئێمە دەرخست کە نزیکیی ئێمە و ئێوە لەئاستێکدایە کە لەڕاستیدا بەکردەوە وەک یەک تەشکیلات کار دەکەین و لە هیچ بوارێکدا جیاوازییەکەی ئەوتۆ و جیددی لە هەڵوێستی ستڕاتژیک و بەرنامەیی و بنەڕەتیماندا بەرچاو ناکەوێت.

ئەمانە بەشێوەیەکی گشتی ئێمەی بەو ئاکامە گەیاندووە کە هیچ هۆکارێک بۆ کار و چالاکی ئێمە لە دوو تەشکیلاتی جیا لەیەکدا بوونی نییە. لەم ڕووەوە ئێوە هاوڕێیان بانگهێشت دەکەین بۆ کار و هەڵسووڕانی هاوبەش لە ناو کۆمەڵە (ڕێکخراوی کوردستانی حیزبی کۆمۆنیستی ئێراندا). لەئەگەری قەبووڵکردن و ڕێککەوتن لەسەر ئەم بانگهێشتە لە باری ئوسوولییەوە، دەتوانین لایەنە کردەیی و دیاریکراوەکانی لەنزیکەوە بدەینەبەر باس و لێکۆڵینەوە و لەئەگەری بوونی هەر ئاستەنگێک لەم بوارەدا، بەشێوەیەکی هاوبەش چارەسەری بکەین.

هەروەها پێویستە جەخت بکەینەوە کە بەلەبەرچاوگرتنی پەسەندکراوی کۆنگرەی ١٨ی کۆمەڵە، هاوکات دڵنیاین ئەم بڕیارە لەلایەن ئەندامان، پێشمەرگەکان و هەروەها کۆمیتەی کاتیی ڕێبەریی حیزب، ئەندامانی حیزبی کۆمۆنیستی ئێران و کۆمەڵە لە ناوەوە و له‌ دەرەوەی وڵات بەگەرمی پێشوازی لێدەکرێت.

هەروەها گومان لەوەدا نییە کە ئەم یەکگرتنەوەیە لەگەڵ پێشوازی گەرم و گوڕی کرێکارانی پێشڕەو و کۆمەڵانی خەڵکی ناڕازی لەدژی نیزامی سەرکوتگەر، ستەمکار و چەوسێنەری کۆماری ئیسلامی کە پتر لەهەر کاتێکی تر پێویستییان بە هاوپشتی و یەکگرتوویی هەیە، بەرەوڕوو دەبێت.

هەروەها ئێمە هیوادارین دەرگای دیالۆگ و گفتوگۆ لەگەڵ سەرجەمی ئەو هاوڕێیانەی کە هاوشێوەی ئێوە لە حیزب دوورخرانەوە، بکرێتەوە و ئەو دەرفەتە بڕەخسێت کە سەرلەنوێ لەگەڵ ئەم هاوڕێیانەش لەژێر چەتری ڕێکخراوێکدا و یان لانیکەم لە کەناری یەکتردا خۆمان بینینەوە و لەپێناو بەسەمەر گەیاندنی ئارمان و ئامانجە هاوبەشەکانماندا شێلگیرانە تێبکۆشین.   

بەهیوایسەرکەوتن

کۆمیتەی ناوەندی کۆمەڵە

ڕێکخراوی کوردستانی حیزبی کۆمۆنیستی ئێران

١٦ی گوڵانی ١٠٤١ی هەتاوی

بابەتی پەیوەندیدار

ڕاگەیاندنی هاوبەشی حیزبی کۆمۆنیستی ئێران و ڕێکخراوی کرێکارانی شۆڕشگێڕی ئێران (ڕاهی کاریگەر)

komalah

یەکەم ڕاگەیاندنی بەرەی خۆڕاگریی خەڵکی کوردستان بەناوی ئازادی کۆمەڵانی خەڵکی ئازادیخواز و بەرابەری تەڵەبی کوردستان

komalah

په‌یامی كۆمیته‌ی ناوه‌ندی كۆمه‌ڵه‌ به‌بۆنه‌ی سه‌ركه‌وتنی شكۆداری مانگرتنی گشتی له‌ كوردستان

komalah

ڕاگەیاندنی نوێنەرایەتی کۆمەڵه له دەرەوەی وڵات

komalah

خۆپیشاندان بۆ پشتیوانی لە ئاخێزی جەماوەری ئێران و کۆردستان.

komalah

ڕاگەیاندنی کۆمیتەی ناوەندی کۆمەڵە بۆ مانگرتنی گشتی ڕۆژی شەممە ٩ی مانگی ڕەزبەر

komalah