به‌یانی سێشه‌ممه ١٩ی مانگی گوڵان، ئه‌رته‌شی ئیسڕائیل هێرشی هه‌وایی كرده سه‌ر چه‌ند ناوچه له غه‌زه و به‌هۆیه‌وه ١٢ ئه‌ندام و فه‌رمانده‌ی باڵای حه‌ماس كوژران.
به‌پی ڕاپۆرتی “سی.ان.ان” له‌و هێرشه دا ١٢ كه‌س كوژراون كه سێ كه‌سیان فه‌رمانده‌كانی حه‌ماس بوون و ناویان بریتیه له: “شاكر غانم” ئه‌ندامی شۆرای نیزامی غه‌زه، “سه‌لاح بێهتینی” فه‌رمانده‌ی هێزه‌كانی باكوور و “تارق محه‌مه‌د عێزه‌دین” فه‌رمانده‌ی كه‌رانه‌ی باخته‌ری چۆمی ئۆردۆن. هه‌روه‌ها خێزانی ئه‌و سێ فه‌رمانده‌ی حه‌ماسیش گیانیان له‌ده‌ست داوه و ٢٠ كه‌سی دیكه‌ش بریندار بوون.