ڕۆژی دووشه‌ممه ٢٢ی به‌فرانباری ١٤٠٢، كۆمه‌ڵێك له چالاكوانانی مه‌ده‌نی و سیاسی توركی ئازه‌ربایجانی كه به‌مه‌به‌ستی دیدار له‌گه‌ڵ به‌ندكراوێكی سیاسی به ناوی “یوروش مێهرعه‌لی به‌یگلوو” له زیندانی ته‌ورێز سه‌فه‌ریان كردبوو، له مه‌سیری جۆڵفا له‌لایه‌ن هێزه ئه‌منیه‌كانه‌وه ده‌ستبه‌سه‌ر كران.
به‌پێی ڕاپۆرتی كه‌مپه‌ینی به‌رگری له زیندانیانی سیاسی، ناسناوی ئه‌و چالاكوانانه بریتیه له: “كه‌ریم ئیسماعیل زاده”، “ئیبراهیم ئاسمانی”، “سه‌یدمحه‌ممه‌دڕه‌زا مۆوه‌حد”، “یوونس زارعیۆن”، “سیامه‌ك كوشی”، “حه‌بیب نێگه‌هبان”، “موحسن گه‌نجی”، “موختار ئیبراهیمی” و “حامد یه‌گانه”.