ڕۆژی پێنجشه‌ممه ٢٠ی مانگی گه‌لاوێژ، بە هەزاران کەس لە هەرێمى فوڕات لە باکورى کوردستان بە پێشەنگایه‌تى “کۆنگره‌ی ستار” دژبه هێرشەکانى دەوڵەتى تورکیه بۆ سەر چەندین ناوچەى باکور و ڕۆژئاواى کوردستان، بە دروشمی “سەركەوتن بۆ هاووڵاتیانى باكوور و ڕۆژهەڵاتی سووریا دەبێت” خۆپیشاندانیان ئەنجامدا.
ڕۆژی پێنجشه‌ممه، بە هەزاران كەس لە لایەنگرانى پارتە سیاسیەکان و ئەندامانى بنەماڵەى گیانبه‌ختكردووان لە دژى هێرشەکانى دەوڵەتى توركیه بۆسەر ناوچەکانى باکور و ڕۆژئاواى کوردستان بە پێشەنگایەتى “کۆنگره‌ی ستار” لە هەرێمى فوڕات لە باکورى کوردستان خۆپیشاندانیان ئەنجامدا. خۆپیشاندەران لە مه‌یدانی ژنانی ئازادی كۆبانێ، كۆبوونه‌وه و بە وتنەوەى دروشم بەرەو مه‌یدانی “شەهید عەگید” ڕێپێوانیان كرد. له‌كوتاییدا به‌یاننامه‌یه‌ك خوێندرایه‌وه، له به‌شێكی ئه‌و به‌یاننامه‌یه هاتووه: ئامانجی ده‌وڵه‌تی فاشیستی توركیا قڕكردنی خەڵكی باكور و رۆژهەڵاتی سووریایە، بەڵام ئێمە وەك گەلی ناوچەكە لە خەبات و تێكۆشانمان بەردەوام دەبین و لەدژی داگیركاری دەوەستینەوە.