شه‌وی پێنجشه‌ممه ٢٨ی به‌فرانبار، بنه‌ماڵه‌ی دیله‌كانی ده‌ستی حه‌ماس و دژبه‌رانی شه‌ڕ له شاری تل ئاویوی ئیسڕائیل به داخستنی شه‌قامه‌كانی ئه‌و شاره، خوازیاری ڕاگرتنی شه‌ڕ بوون.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، سه‌دان كه‌س له شاری تل ئاویوی ئیسڕائیل ئۆتووبانه‌كانیان داخستووه و خوازیاری ڕاگرتنی شه‌ڕ و ئازادی دیله‌كانی ده‌ستی حه‌ماس بوون. ڕۆژی ڕابردوو به‌رپرسانی نیزامی ده‌وڵه‌تی ئیسڕائیل ڕایانگه‌یاند كه ته‌رمی ٣١ دیلی ده‌ستی حه‌ماسیان له شاری خان یوونس دۆزیوه‌ته‌وه، بڵاوبوونه‌وه‌ی ئه‌و هه‌واڵه نیگه‌رانی زۆری به‌لای بنه‌ماڵه‌ی ١٣٢ بارمته‌ی دیكه‌ی ده‌ستی حه‌ماس ساز كردووه.