ڕۆژی پێنجشه‌ممه ٢٨ به‌فرانبار، “مێهدی مسكین نه‌واز” چالاكی سیاسی ڕاگیراو له‌زیندانی ئێڤین، له ناڕه‌زایه‌تی به ئه‌گه‌ری له‌سێداره‌دانی چه‌ند به‌ندكراو، گوشاره‌كانی وه‌زاره‌تی ئیتلاعات بۆ سه‌ر بنه‌ماڵه‌كه‌ی، په‌روه‌نده‌سازی بۆ كچه مێرمنداڵه‌كه‌ی و سه‌پاندنی سزا به‌سه‌ریدا ئاگری له جه‌سته‌ی به‌رداوه.
“مێهدی مسكین نه‌واز” تووشی سووتانی پله‌ی ٢ بووه و ڕه‌وانه‌ی نه‌خۆشخانه كراوه. ئه‌و به‌ندكراوه سیاسیه مانگی پووشپه‌ڕی ساڵی ڕابردوو له حاڵێكدا ماوه‌ی ١٣ ساڵ زیندانی تێپه‌ڕ ده‌كرد، په‌روه‌نده‌یێكی تازه‌ی بۆ ساز كرا و ئه‌مجار به ١١ ساڵ زیندانی دیكه مه‌حكووم كرا. ناوبراو پێشتریش بۆ پشتیوانی له به‌ندكراوانی سیاسی دیكه ده‌ستی دابووه مانگرتن له خواردن.