کۆمەڵە_رێكخراوی كوردستانی حیزبی كۆمونیستی ئیران
ئێران هه‌واڵه‌کان

به‌ڕێوه‌چوونی ڕێوڕه‌سمی ڕۆژی كۆمه‌ڵه‌ له‌ لایه‌ن ژماره‌یه‌ك له‌ لایه‌نگرانی كۆمه‌ڵه‌ له‌ شاری تاران

به‌ پێی هه‌واڵی گه‌یشتوو، ڕۆژی چوارشه‌ممه‌ ٢٣ی ڕێبه‌ندان، ڕێوڕه‌سمێك به‌بۆنه‌ی ٢٦ی ڕێبه‌ندان ڕۆژی ئاشكرابوونی كۆمه‌ڵه‌ به‌ ئاماده‌بوونی ژماره‌یه‌ك له‌ دۆستان و لایه‌نگرانی كۆمه‌ڵه‌ و حیزبی كۆمۆنیستی ئێران له‌ شاری تاران به‌ڕێوه‌چوو.

به‌ پێی ئه‌م هه‌واڵه‌، ڕێوڕه‌سمه‌كه‌ سه‌ره‌تا به‌ سروودی ئه‌نترناسیۆناڵ سروودی هاوپشتی جیهانی چینی كرێكار ده‌ستی پێكردووه‌ و پاشان یه‌ك ده‌قیقه‌ بێده‌نگی بۆ ڕێزگرتن له‌ یادی سه‌رجه‌م گیانبه‌ختكردووانی ڕێگای ئازادی و سۆسیالیسم ڕاگیراوه‌. بێده‌نگییه‌كه‌ به‌ خوێندنی سروودی “سووره‌ سوار” شكێندراوه‌. دواتر دوو كه‌س له‌ به‌شداربووان له‌ ڕێوڕه‌سمه‌كه‌ سه‌باره‌ت به‌ بارودۆخی سیاسیی ئێران و ناوچه‌كه‌ و هه‌روه‌ها ڕۆڵ و چالاكییه‌كانی كۆمه‌ڵه‌ قسه‌وباسێكیان پێشكه‌ش كرد. له‌ درێژه‌دا، سروودی “ته‌بار ما كارگه‌ر” به‌شێوه‌ی ده‌سته‌ جه‌معی له‌ لایه‌ن به‌شداربووانه‌وه‌ خوێندرایه‌وه‌. دواتر به‌شداربووانی ئه‌م ڕێوڕه‌سمه‌، ساڵڕۆژی ئاشكرابوونی كۆمه‌ڵه‌یان پێرۆزبایی له‌ بنه‌ماڵه‌ی گیانبه‌ختكردووانی ناو ڕیزه‌كانی كۆمه‌ڵه‌ و حیزبی كۆمۆنیستی ئێران و هه‌روه‌ها سه‌رجه‌م پێشمه‌رگه‌كانی كۆمه‌ڵه‌ و خه‌ڵكی خۆڕاگری كوردستان كرد. ڕێوڕه‌سمه‌كه‌ به‌ بڵاوكردنه‌وه‌ی شیرینی له‌ناو شایی و خۆشی به‌شداربوواندان كۆتایی پێ هاتووه‌.

بابەتی پەیوەندیدار

ناڕه‌زایه‌تی كرێكارانی گرێبه‌ستی میترۆی تاران

komalah

كۆبوونه‌وه‌ی بنه‌ماڵه‌ی “عه‌لی ساڵحی” له‌به‌رده‌م ئیداره‌ی ئیتلاعاتی سنه‌

komalah

كۆبوونه‌وه‌ی بنەماڵەى مۆعه‌لیمانی زیندانى مه‌ریوان له‌گه‌ڵ دادستانی ئه‌و شاره‌

komalah

ده‌ستبه‌سه‌ركردنی 15 هاووڵاتی له‌ خۆپێشاندانی خه‌ڵكی ناوچه‌ی مه‌له‌كشایی ئیلام

komalah

هۆشداری ناوه‌نده‌ ده‌رمانییه‌كانی كوردستان سه‌باره‌ت به‌ بڵاوبوونه‌وه‌ی نه‌خۆشی “ته‌بی كۆنگۆ”

komalah

سه‌پاندنی زیندان به‌سه‌ر حەوت ئەندامی کەمپەینی “ژیانەوەی کوردستان”

komalah