کۆمەڵە_رێكخراوی كوردستانی حیزبی كۆمونیستی ئیران
ئێران

ئه‌شكه‌نجه‌ و ئازاری “حه‌میدڕه‌زا دۆرستكار” له‌ زیندانی بێهبه‌هان

به‌پێی ڕاپۆرتی كه‌مپه‌ینی به‌رگری له‌ به‌ندكراوانی سیاسی و مه‌ده‌نی، “حه‌میدڕه‌زا دۆرستكار” چالاكی سیاسی خه‌ڵكی شارستانی بێهبه‌هان كه‌ شه‌وی ٢٧ی ڕێبه‌ندانی ١٤٠٢، له‌لایه‌ن هێزه‌ ئه‌منیه‌كانه‌وه‌ به‌ توندووتیژی ده‌ستبه‌سه‌ر كرابوو، له‌ ماوه‌ی به‌ندكرانیدا ده‌ستدرێژی كراوه‌ته‌ سه‌ری و به‌ سه‌ختی ئه‌شكه‌نجه دراوه‌.

به‌پێی ئه‌و ڕاپۆرته‌، “حه‌میدڕه‌زا دۆرستكار” له‌ كاتی ئه‌شكه‌نجه‌دان دا دوو په‌راسوو و لاقێكی شكاوه‌ و ئێستا له‌ زیندانی بێهبه‌هان له‌ ده‌ستڕاگه‌یشتن به‌ ده‌رمان بێبه‌ش كراوه‌. به‌وته‌ی هه‌ندێك له‌ سه‌رچاوه‌كانی هه‌واڵ، ئه‌و به‌ندكراوه‌ سیاسیه‌ له‌ به‌ندی كه‌ره‌نتینه‌ی زیندانی بێهبه‌هان دا ڕاگیراوه‌ و هیچ زانیارییه‌ك له‌سه‌ر دۆخی ته‌ندرووستی له‌به‌رده‌ستدا نییه‌. شایانی باسه‌ كه‌ ناوبراو له‌ ڕه‌وتی ناڕه‌زایه‌تیه‌كانی بزووتنه‌وه‌ی ژینا ده‌ستبه‌سه‌ر و سێ په‌روه‌نده‌ی بۆ ساز كرابوو. هه‌ر به‌و بۆنه‌وه‌ حه‌مید ڕه‌زا بۆ ماوه‌ی ٨ مانگ به‌ شێوه‌ی نێهنی له‌ شوێنێك دا خۆی حه‌شار دا و كۆتاییه‌كانی مانگی ڕێبه‌ندان له‌لایه‌ن هێزه‌ ئه‌منیه‌كانه‌وه‌ ده‌ستبه‌سه‌ر كرا.

بابەتی پەیوەندیدار

هێرشی په‌هبادی و مووشه‌كی ئێران بۆ سه‌ر ئیسڕائیل

-

دۆخی ئاڵۆزی خه‌ڵكی ئێران له‌ كاتی هێرشی سپای پاسداران بۆ سه‌ر ئێسڕائیل

-

كاردانه‌وه‌كان له‌ ئاست هێرشه‌كانی سپای پاسداران بۆ سه‌ر ئیسڕائیل

-

هێرشی به‌كرێگیراوانی خامنه‌یی بۆ سه‌ر ژنان و كچانی بێ حیجاب

-

بەرێوەچوونی رێورەسمی نەورۆز لە ئاوایی ئافڕیانی سەر بە شاری كامیاران

-

گیانله‌ده‌ستدانی كۆڵبه‌رێك له‌ سنووری سه‌رده‌شت

-