رۆژی شەممە 18ی مانگی گوڵان، بە هۆی تەقینەوەیەکی بە هێز، لە نزیک مەدرەسەیەکی کچانە لە کابولی پێتەختی ئەفغانستان 50 کەس کوژران و زیاد لە 150 کەسیش بریندار بوون.
وتەبێژی “وەزارەتی ناوخۆ”ی ئەفغانستان رایگەیاندووە، زۆربەی قوربانییەکان کچانی خوێندکاری مەدرەسەکە بوون. کاربەدەستانی ئەفغانستانی خەرێکی لێکۆڵینەوە و تاوتۆێ رووداوەکەن، بەڵام تا ئێستا وردەکارییەکانی تەقینەوەکەیان رانەگەیاندووە.