بەپێی ڕاپۆرتی گەیشتوو، دوو بەندکراو لە زیندانی تۆربەتی حەیدەریە بە دانانی بارمتە بە شێوەیەکی کاتی ئازاد کراون.
ئەو دوو هاووڵاتییە بە ناوەکانی “محەممەد ئەمین شەکیبایی و ئیسماعیل مێهرپویان“، رێککەوتی 9ی رەشەمەی 1404ی هەتاوی لە لایەن هێزە ئەمنییەکانی سپای پاسدارانەوە دەستبەسەر و پاش لێپرسینەوە لە گرتووخانەکانی ڕژیم، رەوانەی زیندانی تۆربەتی حەیدەریە کراون. بە وتەی سەرچاوەکانی هەواڵ، ئەو دوو شارومەندە لە ڕۆژانی ڕابردوودا بە دانانی بارمتەی قورس و تا کاتی کۆتایی هاتنی قۆناغی دادگاییەکانیان ئازاد کراون.