ڕۆژی سێشه‌ممه ٢٥ی به‌فرانبار، ئه‌رته‌شی ئیسڕائیل له ناوچه‌كانی ده‌یربه‌لح و نه‌سیرات دوو خانووی كرده ئامانج و به‌وهۆیه‌وه ٣٢ فه‌له‌ستینی گیانیان له‌ده‌ست دا.
هاوكات له‌گه‌ڵ دانووستانی ئاگربه‌ستی نێوان حه‌ماس و ئیسڕائیل كه له وڵاتی قه‌ته‌ر به‌ڕێوه ده‌چێت، ئه‌رته‌شی ئیسڕائیل درێژه به هێرشه‌كانی بۆ سه‌ر غه‌زه ده‌دات و له ئه‌نجامی بۆردوومانه‌كانی ڕۆژی ڕابردوودا، ٣٢ فه‌له‌ستینی گیانیان له‌ده‌ست داوه و به ده‌یان كه‌س بریندار بوون. هه‌ر چه‌ند هه‌ندێك له سه‌رچاوه‌كانی هه‌واڵ باس له په‌سه‌ندكردنی پێشنووسی ڕێكه‌وتننامه‌ی ئاشتی ده‌كه‌ن، به‌ڵام هێشتا ئاكامی ڕێكه‌وتنه‌كه ڕوون نییه و به‌رپرسانی ده‌وڵه‌تی ئه‌مریكا و ئیسڕائیل ڕایانگه‌یاندووه كه شه‌ڕی غه‌زه به زوویی كۆتایی دێت.