ڕۆژی دووشەممە ٢١ی خەزەڵوەری ١٤٠٣، حسێن مەحموودپوور، بەندکراوی سیاسیی خەڵکی گوندی “گەرگۆڵی خوارێ”ی سەر بە پیرانشار له زیندانی نه‌غه‌ده‌وه نێردرایه مه‌ره‌خه‌سی.
به پێی زانیارییه‌كان، ئەم بەندکراوە سیاسییە بۆ ماوەی پێنج ڕۆژ مورەخەسیی پێ دراوە. حسێن مەحموودپوور ڕۆژی دووشەممە ١٧ی گوڵانی ١٤٠٣، بە مەبەستی جێبەجێکرانی سزای بەندکرانەکەی دەستبەسەر و ڕەوانەی بەبدیخانەی نەغەدە کرا. ناوبراو لەلایەن دادگای ئینقلابی مەهابادەوە بە تۆمەتی “هاوکاری لەگەڵ یەکێک لە حیزبە نه‌یاره‌كانی ڕژیم” بە ١٨ مانگ زیندان مه‌حكووم كراوه و ١٥ مانگی بۆ جێبه‌جێ ده‌كرێت.