به‌یانی شه‌ممه ٢٨ی ڕێبه‌ندان، په‌ره‌ستاران و كادری نه‌خۆشخانه‌كانی ئێران به‌پێ بانگه‌وازی پێشوو له چه‌ند شار ده‌ستیان له‌كار كێشایه‌وه و مانیان گرت.
به‌پێی ڕاپۆرته‌كان، په‌ره‌ستاران و كادری ده‌رمانی نه‌خۆشخانه‌ی به‌هه‌شتی قوم، په‌ره‌ستارانی ئه‌هواز و كادری ده‌رمانی كه‌ره‌ج و بووشێهر به‌ده‌م ئه‌و بانگه‌وازه‌وه چوون و پاش ده‌ستله‌كار كێشانه‌وه، له شوێنی كاره‌كانیان كۆبوونه‌ته‌وه. په‌ره‌ستارانی ناڕازی خوازیاری، چوونه‌سه‌ره‌وه‌ی ئاستی حه‌قده‌ست و مه‌زایا به‌پێی هێڵی هه‌ژاری، زیادكردنی ته‌عرفه‌ی په‌ره‌ستاری، پێدانی ئیزافه‌كاری و پاداش، كه‌مكردنه‌ه‌وه‌ی ساعه‌تی كار، ته‌زمینی ئه‌منیه‌تی پیشه‌یی، دامه‌زراندنی په‌ره‌ستاری نوێ و چاكسازی له ژیان و مه‌عیشه‌تیان بوون.