ڕۆژی هه‌ینی ١٣ی گه‌لاوێژ، به‌رزاییه‌كانی ده‌ورووبه‌ری زیندانی ئێڤین ئاگری گرت و چه‌ند مین ته‌قیه‌وه به‌ڵام كه‌س زیانی به‌ر نه‌كه‌وت و به‌ندكراوان دروشمی “مه‌رگ بۆ دیكتاتۆر”یان به‌رز كرده‌وه.
به‌پێی زانیارییه‌كان، پاش ئاگركرتنی پووش و په‌ڵانی ته‌په‌كانی ده‌ورووبه‌ری زیندانی ئێڤین ته‌م و دووكه‌ڵ چووه‌ته نێو زیندان و لانیكه‌م ده‌نگی ١٠ ته‌قینه‌وه‌ی به‌هێز بیستراوه. به‌وته‌ی هاووڵاتیان، به‌ندكراوانی زیندان پاش ئه‌و ڕووداوه دروشمه‌كانی “ژن،ژیان،ئازادی” و “مه‌رگ بۆ دیكتاتۆر”یان به‌رز كردۆته‌وه.