“ئانیشا ئه‌سه‌دۆڵڵاهی” چالاكی كرێكاری و مه‌ده‌نی خه‌ڵكی تاران كه پێشتر به تۆمه‌تی “ئیجماع و ته‌بانی” و “ته‌بلیڵغ دژی نیزام” به پێنج ساڵ و هه‌شت مانگ زیندانی ته‌عزیری مه‌حكووم كرابوو، ڕۆژی چوارشه‌ممه ٤ی گه‌لاوێژ، به مه‌به‌ستی تێپه‌ڕكردنی ماوه‌ی به‌ندكرانه‌كه‌ی ڕاگوێزی زیندانی ئێڤین كرا.
به‌پێی ڕاپۆرته‌كان، “كه‌یوان مۆهته‌دی” هاوژینی “ئانیشا ئه‌سه‌دۆڵڵاهی”یش به هه‌مان تۆمه‌ت له زیندانی ئێڤین ماوه‌ی مه‌حكوومیه‌تی شه‌ش ساڵه‌ی تێپه‌ڕ ده‌كات. “ئانیشا ئه‌سه‌دۆڵڵاهی” ڕۆژی ٨ی مانگی گوڵانی ئه‌مساڵ و له‌گه‌ڵ نزیك بوونه‌وه به ڕۆژی جیهانی كرێكار له‌لایه‌ن هێزه‌كانی حكوومه‌ته‌وه له ماڵی “محه‌ممه‌د حه‌بیبی” چالاكی سنفی موعه‌لیمانی تاران ده‌ستبه‌سه‌ر كرابوو.