به‌یانی ڕۆژی یه‌كشه‌ممه ١ی گه‌لاوێژ، به‌هۆی وه‌رگه‌ڕانی ئۆتومبێلی سووختبه‌ران له نزیك پاسگای “كه‌هیری” له شارستانی سه‌رباز، دوو سووختبه‌ر له نێو ئاگردا سووتان.
به‌پێی ڕاپۆرتی ڕێكخراوی حال وه‌ش، ناسناوی ئه‌و دوو سووختبه‌ره بریتیه له: “حه‌سه‌ن شیهه‌كی” ته‌مه‌ن ٣٤ ساڵ و “شه‌وكه‌ت شیهه‌كی” ته‌مه‌ن ٤٠ ساڵ و دانیشتووی شارۆچكه‌ی ڕیگانی كرمان. جێگای ئاماژه‌یه كه ڕۆژی ڕابردوو سێ سووختبه‌ری دیكه‌ی به‌لووچ له كاتی ڕاودوونانیان له‌لایه‌ن هێزه‌كانی ڕژیمه‌وه تووشی ڕووداو بوون و سووختبه‌رێك گیانی له ده‌ست دا و دوو كه‌سی دیكه‌ش به‌سه‌ختی بریندار بوون.