رۆژی پێنجشەممە 20ی جۆزەردان، رێکخراوی نەتەوە یەکگرتووەکان رایگەیاند، جیهان بۆ جاریکی دیکە لە هەڵکشانی رێژەی منداڵانی کار رووبەڕوو بووەتەوە.
رێکخراوی نەتەوە یەکگرتووەکان هۆشداری داوە کە قەیرانی کۆڕۆنا، بە میلیۆن منداڵی دیکە دێکێشتە ریزی منداڵانی کارەوە. سەندوقی منداڵانی نەتەوە یەکگرتووەکان و رێکخراوی نێونەتەوەی کار لە راپۆرتێکی هابەش دا رایانگەیاندووە، ژوماری منداڵانی کار لە چەند ساڵی دوایی دا، لەگەڵ هەڵکشانێکی بەرچاو رووبەڕوو بووتەوە و لە ئێستا دا زیاد لە 160 میلیۆن منداڵی کار هەن. هەر بە پێی ئەم راپۆرتە هاوبەشە، چوار ساڵی رابردوو دا 4 میلیۆن و 800 هەزار کەس زیاد بوون و لە ژێر کاریگەرییەکانی قەیرانی کۆڕۆنا دا بە میلیۆنان منداڵی دیکە لە مەترسی دان.