كرێكارانی كارخانه‌ی ماشێن سازیی مۆدیران خۆدرۆ له ئۆستانی كرمان بۆ چه‌نده‌مین ڕۆژی به‌رده‌وام له ماوه‌ی ئه‌م حه‌فته‌یه‌دا، له ناڕه‌زایه‌تیی به په‌رداخت نه‌كرانی سه‌روه‌ختی حه‌قده‌ست و مه‌زایاكانیان ده‌ستیان له‌كار كێشایه‌وه.
كرێكارانی ناڕازیی ماشێن سازیی مۆدیران خۆدرۆ، ڕۆژی یه‌كشه‌ممه باسیان له ڕاگرتنی هێڵه‌كانی به‌رهه‌مێهنان له‌م كارخانه‌یه كرد. ناڕازییان ڕایانگه‌یاندووه: به‌هۆی ئیختلاف نه‌زه‌رێك كه له‌گه‌ڵ كارفه‌رما به‌سه‌ر هه‌ژماركردنی حه‌قده‌ستی مانگی خه‌رمانان هه‌یانه، ده‌ستیان له‌كار كێشاوه‌ته‌وه. ده‌شڵێن: سه‌رجه‌م حقووقی مانگانه‌یان به هه‌ژماركردنی مه‌زایاكان ده‌گاته نزیكه‌ی سێ ملیۆن تمه‌ن، به‌ڵام حقووقه‌كانیان له مانگی خه‌رمانان تا نیوه كه‌م بووه‌ته‌وه.