ڕاپۆرته‌كان باس له‌وه ده‌كه‌ن كه ناڕه‌زایه‌تیی كرێكارانی خزمه‌تگوزاری شاره‌داریی ئه‌هواز كه له چه‌ند ڕۆژ له‌مه‌وبه‌ره‌وه هه‌تا ئێستا له ئێعتڕاز به په‌رداخت نه‌كرانی حه‌قده‌ست و مه‌زایاكانیان ده‌ستی پێكردووه، هه‌روا به‌رده‌وامه.
كرێكارانی ناڕازیی بۆ چه‌نده‌مین ڕۆژی به‌رده‌وام له كۆكردنه‌وه زبڵه‌كان له‌ئاستی شار خۆیان بواردووه و ڕایانگه‌یاندووه: شاره‌داریی ئه‌هواز پێنج مانگه هیچ حه‌قده‌ستێكی پێیان نه‌داوه. سه‌ره‌ڕای ئه‌مانه، له هیچ بیمه‌یه‌كیش به‌هره‌مه‌ند نه‌بوون. ده‌شڵێن: كاربه‌ده‌ستان به‌جێگه‌ی وه‌ڵام دانه‌وه به خواسته‌كانیان، چاوه‌ری ئه‌وه‌ن كه كرێكاران به بێ پێڕاگه‌یشتن به داخوازییه‌كانیان كۆتایی به كۆبوونه‌وه‌كه‌یان بێنن.