كرێكارانی فه‌زای سه‌وزی شاره‌داریی زه‌نجان، ڕۆژی شه‌ممه ٥ی ڕه‌زبه‌ر بۆ چه‌نده‌مین ڕۆژی به‌رده‌وام له به‌رامبه‌ر شاره‌داریی ئه‌م شاری به‌مه‌به‌ستی كۆتایی هێنانی به بیلاته‌كلیفی كاری و گوزه‌رانیان و هه‌روه‌ها گه‌ڕانه‌وه‌یان بۆ سه‌ركار، ده‌ستیاندایه كۆبوونه‌وه.
به‌وته‌ی ناڕازییان، له‌ناو كرێكارانی ده‌ركراو هه‌ندێكیان به‌هۆی كه‌م ئه‌ندامی و چوونه‌سه‌ره‌وه‌ی ته‌مه‌نیان چیدی توانای ئه‌نجام دانی كارێكی دیكه‌یان نییه و له‌كاتێكدا كه له هیچ چه‌شنه بیمه‌یه‌ك به‌هره‌مه‌ند نین، ته‌نیا هیوایان به درێژه‌دان به‌م كاره‌یه كه به‌دوای بڕیاری به‌رپرسانی شاره‌داریی، له‌سه‌ر كار ده‌ركراون.