بە پێی ڕاپۆرتی ماڵپەڕی مافی مرۆڤی هەنگاو، ڕۆژی چوارشەممە ٥ی مانگی پووشپەڕ، هاووڵاتییه‌كی خەڵکی ئیلام، بە ناوی “هادی ڕۆستەمی” کە لە زیندانی ناوەندی شاری ورمێ ڕاگیراوە، مانی لە خواردن گرتووە و لێوەکانی خۆی دوریوەتەوە.
به‌پێی ئه‌م ڕاپۆرته، ناوبراو هۆكاری دوورینەوەی لیوەکانی خۆی و مانگرتن لە خواردنی بۆ ناڕوون بوونی چارەنووسی لەو زیندانە گەڕاندووه‌تەوە. شایانی باسه، ناوبراو ساڵی ڕابردوو لە لایەن دەرزگای قه‌زایی ڕژیم بە تۆمەتی “دزی چەکدارانە” دەستبەسەر کرابوو.