ڕۆژی سێشەممە ١٧ی خەرمانانی ١٤٩٥ی هەتاوی، بە هۆی هەڵدێرانی پاسی هەڵگری کرێکارانی شاغڵ لە کانگەی بەرکەڕەی هەمکار، کرێکارێک گیانی لەدەستدا و ١٥ کرێکاری دیکەش بریندار بوون.
بەپێی هەواڵی گەیشتوو،کرێکارێک بە ناوی “محەممەد میرسادقی” کە بۆ ماوەی زیاتر لە ١٧ ساڵ، پێشینەی کاری لەو کانگەیە هەیە، پاش برینداربوونی بە هۆی ئەو ڕووداوە، ڕەوانەی نەخۆشخانەی باهۆنەری کرمان کرابوو، بەڵام بە هخۆی سەختی برینەکانی، گیانی لەدەستداوە. هەروەها سەرچاوەکانی هەواڵ ئاماژە بەوە دەکەن کە کرێکارێکی دیکەی بریندار لە ڕووداوەکە، دۆخی تەندروستی لە خراپیدایە و مەترسی لە سەر گیانی هەیە.