بەپێی دوایین زانیارییەکان، شەپۆلی ناڕەزایەتییەکان لە ئێران گەیشتە نێو دڵی پێکهاتە حکوومییەکانی ڕژیمی کۆماری ئیسلامی و کارمەندانی وەزارەتی ناوخۆ مانیان گرت.
بەپێی ڕاپۆرتەکان، ژمارەیەکی زۆر لە کارمەندانی سەر بە وەزارەتی ناوخۆ لە چەندین ناوەند و پارێزگا، بەتایبەتی لە قەزوین و خۆراسانی ڕەزەوی، کۆبوونەوە. ناڕازییان بە توندی ڕەخنەیان لە کەمیی حەقدەستەکانیان، جیاوازیی گەورەی نێوان داهات و هەڵاوسان، نادادپەروەری لە پێدانی مافەکان و چارەسەرنەکردنی کێشەی نیشتەجێبوونیان گرتووە. شایانی باسە کە پێشتریش کارمەندانی حکوومەتی چەندین شار، بەهۆی دۆخی کارەساتباری ئابوورییەوە دەنگی ناڕەزایەتییان بەرز کردبووەوە.