به‌پێی هه‌واڵی گه‌یشتوو، ڕۆژی دووشه‌ممه ١٥ی گه‌لاوێژ، هێزه سه‌ركوتگه‌ره‌كانی ڕژیم له شاری مه‌ریوان هێرشیان كردووه‌ته سه‌ر كاسبكاران و هه‌موو مۆبایله ئایفۆنه‌كانیان كۆكردووه‌ته‌وه.
به وته‌ی هاونیشتمانیان، به‌دوای تیرۆری ئیسماعیل هه‌نیه له تاران، گوشاره‌كانی حكوومه‌ت بۆ سه‌ر كۆڵبه‌ران و كاسبكارانی ناوچه سنوورییه‌كانی زیادی كردووه و ئیداره‌ی ئه‌ماكن به هاوكاری هێزه ئینتزامییه‌كان مۆبایلی ئایفۆن و ئه‌و مۆبایلانه‌ی ڕیجستر نه‌كراون كۆ ده‌كه‌نه‌وه.