ڕەزا ڕیزەوەندی، ٢٧ ساڵە، ئەندازیاری کۆمپیوتەر و پسپۆڕی شیکردنەوەی داتا و زمانی ئامێر، دوای ونبوونی لە ناڕەزایییە سەراسەرییەکانی ١٤٠٤ لە پاکدشت، گیانی لەدەستدا.
ڕەزا، خەڵکی کرماشان و دانیشتووی پاکدشت بوو. ڕۆژی هەینی ١٩ی بەفرانبار، نزیکەی کاتژمێر ٧ی ئێوارە بۆ بەشداریکردن لە ناڕەزایییەکان لە ماڵی چووەتە دەرەوە. دوا پەیوەندییەکەی لە کاتژمێر ٨:٣٠ی دەقیقەی شەودا بوو و دوای ئەو پەیوەندییە، تەلەفۆنەکەی کوژاوەتەوە و ئیتر هیچ زانیارییەک سەبارەت بە چارەنووسی لەبەردەستدا نەبووە. خێزان و نزیکەکانی لە ڕۆژانی دواتردا گەڕان و بەدواداچوونەکانیان لە زیندانەکان و دادگاکان دەستپێکرد، بەڵام هیچ یەک لە دەزگا فەرمییەکان بەرپرسیارێتی بێسەروشوێن بوون یان دەستبەسەرکرانیان لە ئەستۆ نەگرت. شایانی باسە تا ئێستا، هیچ ڕوونکردنەوەیەکی فەرمی سەبارەت بە گیانلەدەستدانی بڵاونەکراوەتەوە.