بە پێی ڕاپۆرتەکان، بەندکراوێک لە زیندانی بێشەهر بە تۆمەتی تاوانە کۆمەڵایەتییەکان لە سێدارە درا.
ئەو هاووڵاتییە بە ناوی “عێزەت عەسگەری” پێشتر بە تۆمەتی “کوشتنی بە ئەنقەست” دەستبەسەر و لە لایەن دەزگای قەزایی ڕژیمەوە حوکمی سێدارەی بەسەردا سەپێندرا و رۆژی سێشەممە 17ی خەرمانان، حوکمەکەی لە زیندانی ناوەندی شارتانی “بێهشەهر” سەر بە پارێزگای مازەندەران جێبەجێ کرا. شایانی باسە کە تا کاتی دارشتنی ئەم هەواڵە هەواڵی سێدارەی ئەو شارومەندە لە لایەن میدیاکانی ڕژیمەوە بڵاو نەبووەتەوە.