بە وتەی بەرپرسانی قەزایی شاری تاران، داراییەکانی ژمارەیەکی زۆر لە شاروومەندان لە شاری تاران زەوت کراون.
بە پێی ڕاپۆرتەکان، ٢ هەزار و ١٩١ حەساوی بانکی و ٣٧ ئۆتۆمۆبێل کە پەیوەندیان بە ٣٩٤ هاووڵاتییەوە بووە زەوت کراون. بە وتەی دادستانی گشتی شاری تاران، ئەو هاووڵاتیانە لە ماوەی هێرشە هاوبەشەکانی ئەمریکا و ئیسرائیل بۆ سەر پێگەکانی ڕژیم لە ئێران، لەگەڵ ئەو وڵاتانەی دژبەری ڕژیمدا هاوکاریان کردووە.