بە پێی ڕاپۆرتەکان، ئەمریکا رێگەی بە نوێنەری وزەی ئەتۆمی کۆماری ئیسلامی نەداوە کە لە کۆنگرەی نێودەولەتی وزەی ئەتۆم بەشداری بکات.
ئەو کۆنگرەیە ئەمرۆ ٢٤ی خەرمانان دەستیپێکردووە و بڕیارە تا چوار رۆژی دیکە درێژەی پێ بدرێت. لە لایەکی دیکەوە، محەممەد ئیسلامی سەرۆکی ڕێکخراوی وزەی ئەتۆمی کۆماری ئیسلامی بڕیاری دابوو کە لەم کۆنگرەیەدا بەشدار بێت و تەنانەت سەبارەت کێشەکان وتەی هەبێت. شایانی باسە کە حەفتەی ڕابردوو، ئاژانسی نێودەولەتی وزەی ئەتۆمی ڕایگەیاندبوو کە کۆماری ئیسلامی رێگری لە پشکنەڕانی ئەو رێکخراوە دەکات و برێک لە دامەزراوە ئەتۆمییەکانی ڕژیم، تاکوو ئێستا نەبینڕاوە.