“زه‌ینه‌ب جه‌لالیان” به‌ندكراوی سیاسی مه‌حكووم به زیندانی هه‌تاهه‌تایی پاش ١٦ ساڵ به بێ یه‌ك ڕۆژ مه‌ره‌خسی، بۆ جارێكی دیكه له‌لایه‌ن هێزه ئه‌منیه‌كانه‌وه هه‌ڕه‌شه‌ی لێ كرا.
“زه‌ینه‌ب جه‌لالیان” ١٦ ساڵی سه‌ختی له زیندانه‌كانی كۆماری ئیسلامی تێپه‌ڕ كردووه و چند جار بۆ زیندانه‌كانی دیكه دوورخراوه‌ته‌وه. ته‌نانه‌ت به‌پێی یاسای سزادانی ئیسلامی درێژه‌ی به‌ندكرانی “زه‌ینه‌ب” نایاسایی و ناشه‌رعیه و ئه‌بێ به زووترین كات ئازاد بكرێت. له ماوه‌ی ڕۆژانی ڕابردوو تیمه‌كانی ئیتلاعاتی ڕژیم سه‌ردانی ئه‌و به‌ندكراوه‌یان كردووه و هه‌ڕه‌شه‌یان لێ كردووه كه ئه‌گه‌ر داوای لێبوردن نه‌كات ئازاد نابێ و ئیمكاناتی ده‌رمانیشی بۆ دابین ناكرێت.