“ئه‌یووب جه‌وان پور” چالاكی مه‌ده‌نی خه‌ڵكی سه‌قز له‌لایه‌ن لقی ١ی دادگای ئینقلابی ئه‌و شاره به سه‌رۆكایه‌تی قازی “كه‌یوان جه‌هانی” به ١٥ ساڵ زیندانی ته‌عزیری مه‌حكووم كرا.
“ئه‌یووب جه‌وان پور” ڕۆژی ٢٠ جۆزه‌ردانی ئه‌مساڵ له‌لایه‌ن ئیداره‌ی ئیتلاعاته‌وه ده‌ستبه‌سه‌ر و به مه‌به‌ستی لێێپرسینه‌وه ڕاگوێزی گرتووخانه‌ی ئیتلاعاتی سنه كرا. ناوبراو له‌لایه‌ن دادگاوه به تۆمه‌تی “ته‌بلیغ دژی نیزام” به یه‌ك ساڵ زیندان، “پێكهێنانی گرووپی چه‌ند كه‌سی به مه‌به‌ستی تێكدانی ئاسایشی گشتی” به ده ساڵ زیندان، به تۆمه‌تی “بێڕێزی به خومه‌ینی و خامنه‌یی” به چوار ساڵ زیندانی ته‌عزیری مه‌حكووم كرا. به‌پێی یاسای سزادانی ئیسلامی زۆرترین سزا واته ده ساڵی بۆ جێبه‌جێ ده‌كرێت.