ئێوارەی ڕۆژی دووشەممە، ٢ی گه‌لاوێژی ١٤٠٢، هێزە ئینتزامییه‌كان و شارەوانیی ئیلام ماڵی ٣ هاووڵاتیی دانیشتووی ئەو شارە لە شەقامی “هەفت تیر”یان ڕووخاند و ئەو کردەوە كاردانه‌وه‌ی توندی خه‌ڵكی لێكه‌وته‌وه.
لە درێژەی تێکهەڵچوونی نێوان هێزەكانی حکوومەت و خەڵکی ئیلام، لانیکەم ٤ هاووڵاتی بە ناوەکانی “فەریدە حاجییان”، “عەباس پوورداوود”، “پوویا پوورداوود” و “شەمسەدین قەیسەری” بە تەقەی ڕاستەوخۆ بریندار بوون. هەروەها شەش كه‌س بە ناوەکانی “ئیلاهە وەلیزادە”، “موراد ئەنساری”، “مورتەزا هەواسی”، “شایان عەزیزنژاد”، “یاسر قاسمی” و “ڕۆحوڵڵا زارعی” دەستبەسەر و بۆ شوێنێكی نادیار ڕاگوێزران.