به‌پێی هه‌واڵی گه‌یشتوو به تۆڕی میدیای كۆمه‌ڵه، ڕۆژی یه‌كشه‌ممه ٢٣ی مانگی گه‌لاوێژ، كۆمه‌ڵێك له كرێكارانی حه‌جمی و ڕۆژمزدی شاره‌داری سنه، له ناڕه‌زایه‌تی به خراپی دۆخی مه‌عیشه‌ت، له‌به‌رده‌م شاره‌داری ئه‌و شاره كۆبوونه‌وه.
كرێكارانی حه‌جمی و ڕۆژمزدی شاره‌داری سنه خوازیاری په‌رداخت كردنی پێنج مانگ حه‌قده‌ست و مه‌زایای دواخراو، پێدانی جێژنانه و پاداشی ساڵی پار ، ئه‌منییه‌تی پیشه‌یی و گۆڕانی دۆخی پیشه‌یی له حه‌جمی و ڕۆژمزده‌وه بۆ شیركه‌تی بوون. شایانی باسه كه له‌گه‌ڵ خراپی دۆخی ئابووری ئێران و له‌خواره‌وه‌بوونی ئاستی حه‌قده‌ستی كرێكاران، دواخرانی حه‌قده‌سته‌كان مه‌عیشه‌تی كرێكاران و بنه‌ماڵه‌كانیانی خستووه‌ته ژێر كاریگه‌ریه‌كی قورسه‌وه.