ڕۆژی یه‌كشه‌ممه ٢٥ی مانگی گوڵان، خانه‌نشینكراوانی تئمیین ئیجتیماعی له شاره‌كانی ئیلام، سنه و كرماشان هاوكات له‌گه‌ڵ كۆبوونه‌وه‌ی سه‌راسه‌ری خانه‌نشینكراوانی ئێران، له‌به‌رده‌م ئیداره‌ی ته‌ئمیین ئیجتیماعی شاره‌كانیان كۆبوونه‌وه.
به پێی ڕاپۆرته‌كان، خانه‌نشینكراوانی سه‌راسه‌ری ئێران به كۆبوونه‌وه له‌به‌رده‌م ئیداره‌ی ته‌ئمیین ئیجتیماعی شاره‌كانیان خوازیاری چوونه‌سه‌ره‌وه‌ی ئاستی حه‌قده‌ست و به كرده‌وه ده‌رهاتنی گه‌ڵاڵه‌ی هاوسانسازی بوون. خانه‌نشینكراوانی سنه، كرماشان و ئیلام به وتنه‌وه‌ی دروشمی “ته‌نیا له سه‌ر شه‌قام به مافه‌كانمان ده‌گه‌ین” خوازیاری جێبه‌جێ كردنی داخوازییه‌كانیان بوون.