ڕۆژی هه‌ینی ٤ی مانگی سه‌رماوه‌ز ، سپای ده‌وڵه‌تی تورکیه لە ٢٤ کاتژمێری ڕابردوودا ٢٤ گۆند و ناوچەی لە سنووری “عەفرین” و “شەهبا” تۆپباران کردووە.
به‌پێی ڕاپۆرته‌كان، دەوڵەتی تورکیه لە ٢٤ کاتژمێری ڕابردوودا ٢٤ گوندی لە عەفرین و شەهبای ڕۆژئاوای کوردستان تۆپباران کردووە و زیاتر لە ٩٦٥ تۆپی ئاڕاستەی ئەو ناوچانە کردووە. کە لە سنووری شەهبا ١١ گۆند و لە شارۆچکەی شێراوا حەوت گۆند و شەش گۆندیش لە شارۆچکەی شەرای عەفرین کراونەتە ئامانج و تائێستاش هێرشەکان بەردوامن و فڕۆکەی بێ فڕۆکەوانیش بە ئاسمانی ئەو ناوچانەدا دەسووڕێتەوە.