ئێواره‌ی ڕۆژی دووشه‌ممه ٢٧ی خاكه‌لێوه، لایه‌نگرانی فه‌له‌ستین له ئه‌یاله‌ته‌كانی ئۆرێگان، كالیفۆڕنیا و نیۆیۆرك ئۆتووبانه‌كانیان داخست و دژبه ده‌وڵه‌تی بایدن دروشمیان به‌رز كرده‌وه.
به‌پێی ڕاپۆرته‌كان، پاش هێرشه‌كه‌ی كۆماری ئیسلامی بۆ سه‌ر ئیسڕائیل، بۆردوومانه‌كانی غه‌زه له‌لایه‌ن ئیسڕائیله‌وه چڕتر بووه و ڕۆژی ڕابردوو، چه‌ندین فه‌له‌ستینی له ڕه‌فه‌ح، ئۆردووگای نه‌سیرات و باكووری غه‌زه كوژران و بریندار بوون. هه‌ر به‌و بۆنه‌وه لایه‌نگرانی فه‌له‌ستین له شاره‌كانی سانفڕانسیسكۆ، شیكاگۆ و نیۆیۆرك به داخستنی ئۆتووبانه‌كان دروشمی ” بۆ پشتیوانی له فه‌له‌ستین ئابووری داده‌خه‌ین”یان به‌رز كرده‌وه و خوازیاری ڕاگرتنی ده‌ستبه‌جێی شه‌ڕ بوون.