ئەنجوومەنی پیشەیی موعەلیمانی شارەکانی مەریوان و سەوڵاوا ڕۆژی یەکشەممە ٩ی گەلاوێژ لە بەیاننامەیەک دا، مانەوەی “ئەسەکەندەر لوتفی، مەسعوود نیکخواه و شەعبان محەممەدیان” لە زیندانەکانی ڕژیم شەرمەزار کرد.
لە درێژەی ئەو بەیاننامەیەدا، ئەنجوومەنی پیشەیی موعەلیمانی مەریوان و سەوڵاوا ناڕەزایەتییان لە بەرانبەر گوشاری ناوەندە ئەمنییەکانی ڕژیم بۆ سەر موعەلیمانی دەستبەسەرکراو و بەتایبەتی دۆخی ناجێگیری “شەعبان محەممەدی” بەهۆی پێڕانەگەییشتنی پزیشکی دەربڕییوە و ڕایانگەیاندووە بەرپرسیاریەتی تەندرووستی ئەو بەندکراوانە لە ئەستۆی وەزارەتی ئیتلاعات و وەزارەتی دادگوستەری ئەو وڵاتەیە.